ABOUT ME
Hi! Mi nomber ta Juffrouw Leandra!
Como juffrouw mi ta gusta duna hopi di mi banda pa mi studiantenan disfruta di nan vak.
​
Pa e motibo aki mi a dicidi di crea un Plataforma Educativo den forma di Vlog, unda por medio di mi videonan mi ta spera di por educa, motiva y yuda mucha y hoben ora nan ta na cas trahando riba e vak Matematica aka Wiskunde.
​
Mester agrega cu e plataforma aki lo yuda mayornan di studiante tambe, pa por compronde e materia di Wiskunde mas mihor y di e forma aki motiva nan yuinan.
META Y VISION
E meta principal tras di e plataforma aki ta pa crea un espacio cu lo brinda extra sosten digitalisa cu splicacion di e elementonan y somnan mas facil y mas dificil di e vak rekenen y wiskunde.
A opta pa haci e plataforma aki completamente na Papiamento, pa di e forma aki e mucha y hoben por compronde e terminonan den su idioma materno.
​
Nos lo kier motiva tur cu bishita e plataforma educativo aki, pa por sinti liber pa haci pregunta y Juffrouw Leandra lo contestabo esaki den e mihor manera posibel.
FUN FACT!
Boso sa cu Wiskunde ta e vak favorito di Juffrouw Leandra?
Pasobra semper el a gusta traha puzzle y soluciona problemanan y esaki bo semper ta haya den e vak di wiskunde!